Rahul Gandhi-a'n Gujarat MLA man a nih a sawisel

Congress party hruaitu Rahul Gandhi chuan Assam police-ten twitter-a a thu post avanga Gujarat Congress MLA Jignesh Mevani an man chu democracy leh ram danpui kalphung ni lo tia sawiin, prime minister Narendra Modi chuan amah sawiseltute nekbehin, thudik chu a upbo thei dawn lo, a ti.

Mevani hi Nilaini zan khan Assam police-te hian Gujarat-a Palanpur khuaah an man a, Ningani zing khan thlawhtheihna hmangin Guwahati-ah hruai thlen a ni.

Rahul Gandhi chuan Mevani man a ni chu an aiawha thlang tlingtu, mipuite hmusitna a ni tiin, hetianga eptute inrahbelhna duh lohna hi Congress worker-te chuan an lantir zel dawn tih a sawi.

Congress hruaitu KC Venugopal pawhin Mevani man a nih dan chu ram danpui kalh, BJP a inlulinna lantirna a ni, a ti ve bawk.