AP CM-in Eagle Nest Birding Festival hawng

Arunchal Pradesh chief minister Pema Khandu chuan Inrinni khan West Kameng district-a Oaktum Thongre khuaah 'Eagle Nest Birding Festival' vawi hnihna a hawng.

He festival hawnna hian CM Khandu chuan khawtual miten community reserve atana an pek, ram sq km 18 leh 25-a zau, Tukpon leh Sungkhit-te chu a hawng bawk. He reserve an pek hi tourism lam tihchangtlunna atan hman a ni ang.

CM chuan Arunachal biodiversity hausa tak humhalhna kawnga tualchhung mite hmalakna chu fakin, he festital hi state sorkar calender event-a puan tura hma la lak tur thu leh,a ni hman hun turte tifel a rawtna thehlut turin thuneitute chu a sawm bawk.

State forest and environment department-in nungcha humhalhna tura 'Airgun Surrender Abiyan' an buatsaih chu hmalak ropui tak a nih thu Khandu chuan a sawi bawka, mi tam takin ramvah chawlhsan tumin a silaite anmahni duhthu ngeiin thuneitute kutah an pe lut a ni, a ti. He hmalakna rah hi hmuh theihin a awm nghal a, an state-ah sava pawh an pung chho tih a sawi.

Chief Minister chuan Arunchal Pradesh-ah chaun sa va chi hrang 500 chuang an awm thu leh, heng zinga chi 471 chu Eagle Nest Wildlife sanctuary-ah hmuh an nih thu a sawi bawk.