HC-in Shillong Jail tawt tihziaawm dan ngaihtuah turin hriattir

Meghalaya High Court chuan Shillong District Jail tawt lutuk tihziaawmna tura hma la turin Meghalaya sorkar a hriattir.

Shillong District Jail hi mi tang 175 awm theihna tura ruahman ni mah se, tunah mi tang 464 an awm mek. Hei vang hian High Court chuan tang ṭhenkhat dahna tura facility dang siam lailawk turin a hrilh a ni.

Jail chhung tawt lutuk chungchanga PIL thehluh chu judge pahnih awmna bench chuan a ngaihtuah a, June 6-ah hearing neih leh a ni ang.

Kum 1897-a din, Shillong District Jail hi East Khasi Hills, West Khasi Hills leh South West Khasi Hills district-a under-trial prisoners (UTPs) dahna tura ruahman a ni.