Nagaland CM-in Hydrology Project Convention Centre a hawng

Nagaland chief minister Neiphiu Rio chuan Inrinni khan 4th Mile, Dimapur-ah National Hydrology Project (NHP) hnuaia siam, Hydrology Project Convention Centre (HPCC)-cum-Commissioning of Automatic Weather Station & Piezometer a hawng.

CM Rio chuan he technology hmang hian tui sawngbawlna kawngah hmasawnna a thlen dawn bakah, loneitu, industrial sector leh inchhunga tui hman danah pawh a pui thei dawn a ni, a ti. Mipuite chuan data-te dawngin, ṭangkai zawka tui hman dan tur pawh an hriat theih phah tur thu a sawi.

Tui lakna te humhalhna chang hriat loh chuan harsatna lian tak kan hmachhawn dawn a ni tiin, Rio chuan department hnenah pawh loneitute chu zirtirna ṭha tak pe a, thil awmdante chiang taka hrilh turin a ti bawk.