NBFC Scam : Trinamool-in CBI leh ED chhuitir phut

Tripura-a opposition party Trinamool Congress (TMC) chuan Nilaini khan, Non-Banking Financial Companies (NBFCs)-a sum che vel dik tawk lo awm chu Central Bureau of Investigation (CBI) leh Enforcement Directorate (ED) chhuitir an phut thu an sawi.

TMC chuan NBFC-ah hian sum dik lo taka khawihchet a awm nia sawiin, Chief Minister Manik Sarkar leh minister eng emaw zat chu he thilah hian an inhmanhnawih niin an sawi. Tripura High Court chuan hemi chhuichiang tur hian Special Investigation Team (SIT) din turin state sorkar a lo hriattir tawh a ni. SIT-a an hruaitu Tripura’s Inspector General of Police (Law and Order) K.V. Sreejesh chuan hemi kaihhnawihah hian SIT chuan thubuai 78 zet a chhui mek tih sawiin, hemi kaihnawihah hian mi 112 man an ni tawh tih Nilaini khan a sawi. NBFC-a inhmanhnawi nia hriatte bank account enfiah mek a nih thu sawiin, zawhfel thuai beisei a ni, a ti.

Kum 2013 khan Tripura sorkar chuan NBFC kaihnawih thubaui 37 zet chu CBI kutah a lo hlan tawh a, mahse thubuai panga vel chauh chinfel a la ni. Hei hi Trinamool Congress (TMC) chuan ṭha an tih loh thu sawiin, chak zawka hnuchhui kalpuian phut thu an sawi a ni.