Assam : GMC inthlanah hneh takin BJP an tling

Guwahati Municipal Corporation (GMC) inthlan neih zawh takah rorellai, Bharatiya Janata Party (BJP) leh a thawhpui Asom Gana Parishad (AGP)-te chu hneh taka thlan tlin an ni.

GMC-a seat 60 awmah BJP hian seat 52 lain, AGP hian ward parukah hnehna an chang bawk. Aam Admi Party (AAP) leh Asom Jatiya Parishad (AJP)-te chuan seat khat ve ve an la.

Inthlan hmain ward pathumah BJP candidate-te chu chuhtu awm loin an tling sa a, hei vang hian April 22 khan ward 60 awmah ward 57-ah inthlan hi neih a ni. Candidate 208 an awm. State-a party lian pahnihna, Congress party chu an artelukawn thung. A ṭum khatna atan GMC-ah hian AAP chuan chuhin, an candidate pakhat Masuma Begum chu ward number 42-ah a tling a, AJP candidate Hukum Chand Ali pawh ward number 1-ah BJP candidate hnehin a tling bawk.

GMC inthlanah hian vote 52.80% a tla a ni.

Chief minister Himanta Biswa Sarma chuan Guwahati mipuite chungah lawmthu sawiin, mipuite chuan prime minister Narendra Modi kaihhruaina hnuaia BJP-in hmasawnna hrang hrang a thlenah mipuite chuan party-ah rinna an nghah ngam zia a lang leh a ni, a ti.