'New York Times’ 52 Places to Go in 2017' list-ah Sikkim

Khawvela chanchinbu lar leh chhiar hlawh ber te zing a mi New York Times chuan, kum 2017 chhunga khualzinte tana hmun tlawh chak awm zual a tlanchuuah 52 zingah Sikkim a tel.

Hmun tlawhchakawm zual thlanchhuahah hian Sikkim chuan 17-na a luah phak a ni. Sikkim-ah hian tunhnai khan airport hmasa ber hawn a ni a, rel kawng sial mek a ni bawk. Sikkim-ah hian Khangchendzonga National Park bakah, Himalayan tlang bulṭhuta ramngaw te, phairuam leh tlang mawi tak te chu khualzinte hiptu ber an ni a, khawvela tlang hming thang tak tak a awm nawk a ni. 

Kum 2016 khan United Nations Educational, Scientific and Cul­tural Organization (UNESCO) chuan Khangchendzonga National Park hi World Heritage site-ah a puang a, hei hian khualzinte a hip zual hle bawk.

Sikkim hi Buddhist sakhaw hmun pawimawh eng emaw zat awmna a ni a, sakhaw thilah tlawhtu an ṭhahnem thei hle. Buddhist monastery - Tashiding leh Pemayangtse-te chu hmun pawimawh an ni a, Namgyal Institute of Tibetology Museum chu mi hiptu ber te zing a mi a ni. Sikkim hi India rama organic state hmasa berah kum 2016 khan puan a lo ni tawh bawk. 

New York Times-in khawvela hmun tlawh chakawm a thlan chhuah zibngah hian India ram aṭangin pahnih chhhiah an lang phak a, Sikkim leh Agra-te an ni. Agra hi khawvel huap pawha lar Taj Mahal awmna a ni a, New York Times-in a thlan chhuah zingah pawh pathumna a hauhphak a ni.

Sikikm sorkar chuan khualzin tam zawk hip turin nasa takin hma a la a, tlawhtu pawh a ngah sawt hle. State mipui tam zawk chu tourism leh a kaihhnawiha eizawng an ni a, ram chhung mai ni lo khawvel hmun dang aṭanga tlawhtu pawh an pung chak hle a ni.