Manipur-ah tharum thawhna a thleng leh

Election Commision of India-in Manipur state assembly election neih hun tur a puan hnuah, hmun hrang hrangah tharum thawna a thleng nia tarlan a ni.

Thoubal district police-te chuan, Ningani khan Heirok khuaa kawng­pui dunga lirthei eng emaw zat chu susam a nih thu sawiin, mipui pungkhawm hnawhdarh nan tear-gas hman a ngai niin an sawi. He thil thlengah hian Manipur People’s Party president N. Sovakiran Heirok chu man a ni a, lirthei suasam leh tharum thawna thlentuah puh a ni. N. Sovakiran hi Heirok biala chuh tum a ni a, mahse khaw mipuite chuan pawikhawina a thlen hnu hian N. Sovakiran chu an biala a din an remtih loh thu leh, lirthei tihchhiat sak neitute hnenah zangnadawmna pe tura an phut thu an sawi.

Hetih lai hian Keirao bialah pawh Nilaini zan khan buaina a chhuak a, mi 12-in hliam an tuar. Hliam tuarte hi BJP Keirao unit hruaitu M.I. Khan thachangdawltuite nia hriat an ni. Manipur-ah hian assembly election hi thawh hniha neih tura ruahman a ni a, a thawhkhatna chu March 4-ah neih a ni ang a, March 8-ah a thawhhnihna neih a nih hnuah, March 11-ah vote chhiar a ni ang. Hetih lai hian pawl hrang hrangte chuan Manipur chu assambly election hmachawn turin a la inpeih lo niin an sawi a, dam leh thupek mumal taka kenkawh theih a nih rih loh avangin inthlan felfai tak buatsaih theih a nih an rin loh thu an sawi. Ministry of Home Affairs chuan tun hnai khan Manipur dinhmun hi a zir chhiang a, Eclection Commission of India-ah report a thehlut tawh a ni.

ECI-in state panga inthlan hun tur a puan hnu khan Delhi-a Manipur awm, pawl hrang hrangte chuan assemly ection neih hun tura ruat chu an duh loh thu an sawi a, Manipur chu inthlang turin a ralmuang tawk rih lo niin an sawi. Tualchhung buaina ala reh loh avangin inthlanna felfai buatsaih theih a nih an rin loh thu sawiin, a hun sawn an phut a ni. Chief Minister Okram Ibobi Singh chu tualchhung buaina ngaihthaha inthlan neih a nih theih nana report diklo siamah an puh bawk.