Tripura-in 'Antigen kit' hmang dawn

Tripura cabinet chuan an state-a coronavirus test neihna atan result rang zawka  hriat theihna turin point of care antigen test kit (POCT) hman a rel. 

Law mininister Ratan Lal Nath chuan thlawhtheihna, rel leh bus hmanga hawte test-na atan hian antigen kit hi hman a ni dawn tih sawiin, hemi atan hian sorkarin kit a mamawh  40,000 zinga 15,000 chu a dawng tawh tih a sawi. 

Minister chuan, "Health department lamin antigen kit hmangin hmun dang aṭanga raw hawte swab sample chu a lo endik zel dawn a, a report hi darkar khat chhungin a hriat theih nghal zel dawn a ni. Sample hi a positive a nih chuan

Covid Care Centre-ah dah an ni ang a, a negative-te chu home quarantine tura hriattir an ni ang," a ti. 

Tripura-ah hian containment zone 28 a awm mek a, heng hmunah hian chhungkaw 1,548 an khawsa a ni. Nath chuan containment zone-a chengte chu health worker-ten kal chilhin screening an tihsak dawn tih a sawi. State chhunga hri kai hmuh chhuah tawh hi mi 1,717 an tling tawh a, an zinga 1,248 chu enkawl dam ni tawhin enkawl mek hi 454 an la awm a ni.