Malaria umbona kawngah AP che ṭha

Malaria hrik umbona kawngah Arunchal Pradesh chu thawk ṭha ber state zingah telin, union ministry of health and family welfare chuan certificate of appreciation a hlan.

World Malaria Day, Thawhṭanni-ah khan certificate hi New Delhi-ah union health and family welfare minister Dr Mansukh Mandaviya chuan a hlan a, epidemiologist leh National Vector Borne Disease Control Programme public health consultant Dr Tumge Loyi-a'n state aiawhin a dawng a ni.

Arunachal Pradesh hi kum nga chhunga malaria hrik umbona kawnga a hmalaknaah category III aṭang caterogy I-ah a inhlangkai hman a ni.

State chhunga malaria vei an tlahniam zel a, kum 2011-ah malaria vei hi 13,950 awmin, kum 2016-ah 3,128-ah a tlahniam a, kum 2021-ah chuan mi pariat chauh an awm. He kum nga chhung hian malaria thihpui hi an awm lo bawk a ni.