Nagaland sorkarin sorkar hnathawkte tan thupek chhuah

Nagaland sorkar chuan Nagaland In-Service Doctors’ Association (NIDA)-te phut anga doctor-te pension kum, kum 60 aṭanga kum 62-a tihpun a remtih hnuah, sorkar hnathawk zawng zawng tan thupek a tichhuak a, sorkar remtihna tel loin media leh mipuite nena inbiak leh thu chhuah siam a khap.

State sorkar chuan Nagaland Government Servant (Conduct) Rules, 1958 hnuaiah sorkar hnathawkte chu press leh mipui nawlpuite hnenah sorkarin phalna a pek hmasak loh chuan, thuchhuah an siam leh tihchhuah khap a ni tih a sawi. Sorkar hnuaia doctor-te pawh he thupek hi ngai pawimawh turin a hriattir nghal bawk. Sorkar hnathawk tupawh, he dan bawhchhiate chu an chungah disclipinary action lak a nih tur thu a sawi bawk.