Manas National Park-ah elephant safari leh rafting khar rih dawn

Assam-a Manas National Park-ah May 1 aṭangin thu leh awm hma chu elephant safari leh rafting khar a ni dawn tih official thuchhuah chuan a tarlang.

May thla aṭang hian National Park chhunga kawng ṭhenkhat pawh khar a ni dawn tih an sawi bawk.

Manas Tiger Reserve field director chuan elephant safari leh rafting bakah, Park chhunga guest house - Mothanguri-a Upper Bungalow, Lower Bungalow leh Dormitory-te chu May 1 aṭanga kharna tur thupek hi a tichhuak a ni.

Covid-19 hri leng vanga kum khat zet khar a nih hnuah, nikum October thla aṭang khan khualzinte tlawh theih turin Manas National Park hi hawn a ni a, tlawhtu pawh an tam zui nghal hle.