Congress-in MLA hrem mek disqualify turin Speaker ngen

Congress party chuan Assam legislative assembly speaker hnenah ngenna thawnin, MLA hrem mek Sherma Alli Ahmed chu party dan kalha a chet avangin House member a nihna aṭanga ban turin an ngen.

Leader of opposition Debabrata Saikia kaihhruaiin, Congress MLA-te hian Speaker Biswajit Daimary hnenah Ahmed diqualify tura ngenna hi an thehlut a ni.

Saikia chuan Assam Pradesh Congress Committee president thurawn leh, Assam Congress Legislative Party (ACLP) meeting-a resoltuion an siam angin he ngenna hi siam a nih thu a sawi.

Ahmed hi nikum October thla khan party duhdan kalha a chet fo avangin Congress party aṭang hian hnawhchhuah a ni. Hemi hma, nikum September thla khan Darrang district-a BJP sorkarin eviction drive a kalpui chungchangah ṭawngkam mawi lo tak leh buaina chawk chhuak thei zawnga thu sawia puh a nih vangin man a lo ni tawh bawk.

Saikia chuan an party-in an hrem mek, an party MLA dang pahnih - Sashi Kanta Das leh Siddque Ahmed-te pawh disqualify turin an lo ngen tawh bawk tih a sawi.