Tourism lama hmasawnna turin NETDC din a ni ang : DoNER Minister

Development of North Eastern Region (DoNER) Minister Jitendra Singh chuan, tourism lama hmar­chhakin hma a sawn zel theih nan, North-Eastern Tourism Develop­ment Council (NETDC) din a nih tur thu, kar kalta Zirtawpni khan a sawi.

Union Minister Jitendra Singh hian kum 2017 atana North Eastern Council (NEC) calendar a tlangzarh a, kumina NEC thupui atan “seasonal fruits” tih thlan a ni. Dr. Jitendra Singh chuan NETDC chu Union Ministry of DoNER hnuiah Public Private Partnership (PPP) mode-a kalpui a nih tur thu sawiin, sorkar laipui chuan tourism development agency hran din tura ruahmanna a siam thu a sawi. North-Eastern Tourism Council din chu sorkar laipuiin a ngaipawimawh hle tih sawiin, tourism chu hmarchhak hmasawn nana thil pawimawh tak a ni, a ti.

Development of North Eastern Region (DoNER) Minister Jitendra Singh chuan 'North-East Road Sector Development Scheme' (NERSDS) din tura hma lak mek a nih thu a sawi bawk.