Nagaland CM-in India rama NII Pilot Project a hawng

Nagaland Chief Minister TR Zeliang chuan Zirtawpni khan, India rama Natio­nal Information Infrastruc­ture (NII) Pilot Project hmasa ber chu Nagaland Civil Secretariat Con­ference Hall, Kohima-ah a hawng.

He project hnuiah hian administrative Headquarters leh Peren district-a thingtlang khua te chu wireless broadband internet service pek vek an ni. Chief Minister chuan India rama NII pilot project hawn a nih theih nana state IT&C deparment hmalakna fakawm a tih thu a sawi a, an hlawhtlinna chu rahbi pawimawh tak a ni, a ti. IT Ministry chu an state chhunga huang zauh zel tura ngenin, an hmalakna te chu an thlawp zel tur thu a sawi. He hunah hian MeitY, Joint Secretary, Government of India, Sanjiv Mittal IAS chuan thu a sawi ve bawk.

National Information Infrastructure (NII) Pilot Project hian bloc pasarih, Gram Panchayats (GPs) 89 leh sorkar office 311-te a huam a ni.