Manipur-ah CRPF mi 2-in hliam an tuar

Manipur-a Imphal West district-ah Inrinni khan inbeihna a chhuak a, Central Reserve Police Force (CRPF) mi leh sa pahnihin hliam an tuar.

Police-te chuan, CRPF mi leh sate hian Naoremthong an pan laiin beih an tawk niin an sawi. Naoremthong hi Manipur khawpui Imphal aṭanga km 6 vela hlaa awm a ni a, police-te chuan inbeihna thkenna hmun hi an thleng ve nghal a, hliam tura te chu hospital-ah dahluh nghal an ni. He thil thlengah hian man an la awm lo a, a titute pawh hriatchhuah an la ni lo.

Police-te chuan he thil hi Election Commission of India (ECI)-in state assembly election neih hun tur a puan duh lo pawl an nih an rin thu an sawi. Manipur-ah hian assembly neih hun tura ECI-in hun a ruat duh lo pawl tam tak an awm a, chung mite chuan a hun sawn tur leh, boruak ralmuan deuh hun nghak rih turin an phut a ni. Manipur-a Naga cheng te pawhin assembly election neih hun sawn tura an phut thu an sawi a, Naga te chenna bialah chuan inthlanna felfai taka buatsaih theih a nih an rin loh thu an sawi a ni.

New Delhi-a Naga pawl hrang hrang te pawhin election neih hun sawn phutin lungawilohna te an lo lantir tawh bawk.