NEEPCO-in kumin chhungin Power MW 2,000 siam chhuah hman tum

North Eastern Electric Power Corporation Ltd (NEEPCO) chuan kum 2017 chhunga power megawatt 2,000 siam chhuak turin hma a la dawn tih, Chairman leh Managing Director ni bawk A G West Kharkongor chuan a sawi.

A G West Kharkongor chuan, power MW 2,000 siam chhuak tur hian hma lak mek a nih thu sawiin, kum 2017 chhungin project pathum zawh hman beisei a ni, a ti. NEEPCO chairman chuan, Arunachal Pradesh-ah power MW 600 leh MW 110 pe chhuak thei tur hawn mai theia peihfel a nih tawh thu sawiin, Mizoram-ah pawh MW 60 pe chhuak thei tur peihfel thuai beisei a ni, a ti. NEEPCO chuan Arunachal Pradesh-ah mini and micro hydel power project 50 vel zet a kalpui mek tih sawiin, heng te hi zawh fel a nih hunah chuan hmarchhakin power lama harsatna a thawh ṭhinte sutkian theih beuisei a ni, a tibawk.