NSCN-IM-te'n India-Myanmar border hung dodal
Naga hel pawl National Socialist Council of Nagalim - Isak-Muivah (NSCN-I)-te chuan, India-Myanmar border hung chu an duh loh thu, kar kalta Zirtawpni khan an sawi.
NSCN-I te chuan India leh Myanmar inrinna hung chu an duh lo tih sawiin, Myanmar ram chhunga Naga-te nena ṭhenhran theih an nih loh thu an sawi. Daidanna bang siam chu Naga-te chuan an pawm thei dawn lo tih sawiin, hmalakna tihtawp an phut thu an tarlang. Naga hel pawl dang National Socialist Council of Nagalim- Khaplang (NSCN-K) pawhin, India leh Myanmar inrinna hung an duh loh thu hi an lo puang tawh a ni. Ramri hi km 1,600 zet a thui a ni a, hmarchhak state - Arunachal Pradesh, Manipur, Nagaland leh Mizoram-te a huam a ni.
Sorkar laipui chuan ramri kaltlanga dan loa sumdawnna tih tawp nan te, ralthuam tawlhruk bakah hel ten ramri an paltlang ṭhin ven nan ramri hung hi a kalpui a ni.