Thingpui huan enkawl tute ham-Ṭhatna ngaihtuah a ni dawn : Dattatreya

Labour and Employment Minister Bandaru Dattatreya chuan, Plantations Labour Act, 1951 chu siamṭhat a nih tur thu kar kalta Zirtawpni khan a sawi a, Thingpui huan enkawltute hamṭhatna tur siam sak an ni ang, a ti.

Union minister Dattatreya chuan, ram chhunga thingpui huan enkawltu mi nuai 80 vel te hamṭhatna tur ngaihtuah a Plantations Labour Act, 1951 chu siam ṭhat tura tih a nih thu a sawi. India rama state - West Bengal, Kerala, Tamil Nadu leh Assam-ahte thingpui huan enkawltu mi nuai 80 zet an awm thu sawiin, heng mite hian an hlawh pangngai bakah hamṭhatna dang an chan theih nan rauhmanna kalpui mek a nih thu hi, Shillong-a Regional Labour Institute a hawnnaah a sawi a ni. Thingpui huan enkawltute chuan hriselna kawngah te, dammawh hritlana an inenkawlna kawngah te hamṭhatna an nei thei tawh dawn niin a sawi.

Regional Labour Institute hi cheng vaibelchhe 13.4 senga sak a ni a, hmarchhak huam chhunga hnathawktu ten hriselna lamah hma an sawn theih nan din a ni a, Union Labour Ministry hnuia Directorate General of Factory Advice Service and Labour Institutes-inlo sawi tawh bawk a ni.