Tripura tea estate tan Rs vbc 2.03 sanction

North Eastern Council (NEC) chuan Tripura-a tea estate tihchangtlunna turin Rs vaibelchhe 2.03 a ruahman.

He sum hi West Tripura district-a Brahmakunda tea estate tan hman a ni ang.

Tripura sorkar chuan NEC-ah hian Brahmakunda leh Durgabari tea estate tihchangtlunna turin rawtna hi a thlen a, NEC hian Brahmakunda tea estate tan hian sum hi a rawn ruahman ta tih Tripura Tea Development Corporation (TTDC) chairman Santosh Saha chuan a sawi.

State sorkar hian Durgabari tea estate-a tea musuem dinna turin rawtna hi a thlen bawk a ni.

Tripura hi India rama thingpui thar chhuak tam state zingah a tel a, thingpui huan lian tham tak hi 54 awmin, a te deuh hi 2,755 a awm bawk. Kum khatah thingpui hi kg nuai 100 dawn an thar chhuak ṭhin.