Manipur CM-in start-up incubation centre a hawng

Manipur chief minister N Biren Singh chuan Ningani khan Imphal West-a Govt. Polytechnic Takyelpat-ah Manipur Technical University temporary campus-ah Start-Up Incubation Centre a hawng.

Centre dinna kawngah hian state sorkar-a Planning Department-in a pui a, he centre-ah hian state sorkarin START-UP MANIPUR leh thil dang hmanga entrepreneur a thlanchhuahte chu training pein, an hmalakna kawngahte a pui zui bawk ang.

CM Singh chuan start-up programme chu prime minister Narendra Modi-a'n hmanrua te, infrastructure leh sum lam puihna awm loh vanga ṭhalai talent nei ṭha tak tak, tihtur nei loa awmte tan koh harh leh, eizawnna kawng hawntu tura hmathlir a lo neih a nih thu a sawi.

Manipur state pawhin start-up programme hi a hlawkpui chho ve zel tih sawiin, CM chuan state sorkar chuan he programme hnuaiah hian start-up 5,200 chuang zet chu sum lamah pawh a lo pui tawh a ni, a ti.