AP-ah Covid-19 kai hmuh chhuah tam ber ni thleng

Arunachal Pradesh-ah kar liam ta Inrinni khan Covid-19 kai hmuh chhuah tam ber ni a thleng a, mi 32 in hri an kai tih hriat belh a ni. AP-ah hripui kai hmuh tawh hi mi 135 an awm tawh. 

State Surveillance Officer, Dr L Jampa chuan hri kai hmuh tharte hi state dang aṭanga haw vek an nih thu leh, taksaa natna lang chhuak lo asymptomatic vek an ni tih a sawi. Sample result chhuah hnu hian Covid-19 Care Centre-ah dah nghal an ni. 

Hri kai hmuh thar zinga 13 hi Itanagar mi an ni a, Changlang district-ah 10, West Kameng-ah mi pariat leh Lohit district mi pakhat an ni.

 

AP-ah hian hri kai zinga mi 14 chu enkawl dam an ni tawh a, mi 121 enkawl mek an ni.