Tripura-ah hri kai 1,190 awm tawh

Tripura-ah coronavirus kai an la pun belh zel a, nimin thleng khan hri kai hi mi 1,190 an tling tawh a ni. 

Chief minister Biplab Kumar Deb chuan Inrinnia sample 1,357 enfiah zingah pariat an positive tih sawiin, West Tripura leh Sapajijala district mi pathum ve ve leh Gomat leh Dhalai district mi pakhat ve ve an ni tih a sawi. Zirtawpni khan hri kai mi 27 hmuh belh an ni bawk. 

Tripura-a hian Covid-19 kai pakhatin a thihpui tawh a, hri kai hmuh chhuah zinga pali chu state dangah enkawl turin an kal bawk a ni. Hospital hrang hranga hri kai enkawl zinga 657 chu an result a negative tawh avangin chhuah tir an ni tawh.