APSC Scam : APSC Chairman hluiin journalist thenkhat a tham

Assam Public Service Commi­ssion (APSC) chairman hlui Rakesh Paul chuan thamna sum a lak chungchangah jour­nalist ṭhenkhat a tham tel tih hriatchhuah a ni.

APSC chairman hlui Rakesh Paul hi, APSC hnuaia hna lakah thamna sum laa puh a ni a, chairman a nihna aṭanga suspend a ni. He thilah hian Paul bakah APSC member eng emaw zat chu inhnamhnawiha puh an ni a, police-te'n an man a ni. Hnuchhuina kal zelah Pul hian politician challang leh journalist ṭhenkhat thamna sum a pe nia sawi a ni leh. Police department chuan, Paul hian managing editor pakahat hnenah thamna sum cheng nuai 10 a pe a, midang hnenah pawh cheng nuai 4 a pe niin an sawi. Thamna sum a pek nia sawi hi television journalist a ni a, APSC hnuaiah hna pek a ni bawk tih an sawi.

Tun hnai khan APSC hnuaia hna lak chungchanga thamna lak thubuaia police-te'n an man zinga mi panga te chuan Gauhati High Court-ah bail-a chhuah an dil nia tarlan a ni. An zingah hian APSC member Rakesh Paul, Samedur Rahman leh Basanta Doley-te pawh an tel tih Justice MR Pathak chuan a sawi. APSC chairman thamna sum laa puh a nih hnuah police-te chuan APSC member leh an laina hnai eng emaw zat chu thu an zawt fiah tawh a, office leh mimal ina document pawimawh eng emaw zat lakkhawm a ni tawh bawk.

He thila mawhphurtu leh a hnarkaitu bera ngaih Assam Public Service Commission (APSC) chairman Rakesh Paul chu man a nih hnuah suspend a ni a, a aiawh lailawk tur pawh ruat fel a ni tawh a ni.