Manipur-ah chanchinbumi vau

Manipur Police-te chuan tualchhung chan­chinbu editor pakhat chu vau a nih thu an sawi.

Police-te chuan Thawhṭanni khan kum 63 mi Mohen Kangabam an man thu an sawi a, amah hi Kangleipak Communist Party (Lam­yanba Khuman) mi leh sa nia hriat a ni. Mohen hi nikum December 26-a Pandam News office-a grenade vawmluttu kha a nih thu police-te chuan an sawi. Mohen chuan KCP commander-in-chief L. Mangoljao thupek a ti a nih thu a puang a, amah chu Nepal-ah a biru mek tih a sawi. Imphal West Additional Superintendent of Police (Operations) S. Ibomcha chuan chanchinbumi vau chu a dem thu sawiin, thil titu chu man chhuah ngei a nih tur thu a sawi. Invauna awm leh ta chu Editors’ Guild Manipur pawhin an dem thu an sawi.

Manipur-ah hian tual­chhung buaina a chhuah mek avangin nunphung a ralmuang lo hle a, chanchinbumite pawhin beih an tawk fo a ni. Biak-in suamsam pawh a thleng fo bawk.