Meghalaya : Tawlailir intlansiak buatsaih mipuite'n an hlut

Meghalaya-a East Khasi Hills district-ah Inrinni liam ta khan tualchhunga thinga siam, tawlailir intlansiak vawi khatna buataih a ni a, mipui ngaihven leh hlut a hlawh hle.

Kharang khuaa he intihsiak buatsaih hi Khasi Hills Challenge 1.0 tia vuah a ni a, mi 19 an tel. Tawlailir hmang hian km 30-a thui an intlansiak a ni.

Thing tawlailir, tualchhung miten 'Kali Ball Bearing' tia an sawi hi Meghalaya tribal-ten thil phurhna atana an hman ṭangkai tak a ni a, nitin mamawh phurhna atante leh, tui chawina atante an hmang tlangpui a ni.

Meghalaya sports minister Banteidor Lyngdoh chuan intihsiak hi a vai liam a, tawlailir tinah hian mi pahnih an chuang thei a , pakhatin khalhin pakhat dang hian a nawr thei a ni. Minister chuan hetiang intihsiakna hi hmarchhaka buatsaih a nih ṭum khatna a nih thu a sawi.