Border area hmasawnna turin sorkar laipui inrawlh a ngai : AP Minister

Arunachal Pradesh home minister Baman Felix chuan an state-a border area-a infrastructure leh economy lam hmasawnna turin sorkar laipui a inrawlh a ngai a ni, a ti.

Inrinnia Itanagar-a Azadi Ka Amrit Mahotsav puala hun buatsaiha thu a sawiah, minister Felix chuan physical leh digital hmanga border area-te tihhmasawn an ṭul thu sawiin, heng hmun infrastructure leh economy lama hmasawnna a awm theihna atan te, ram ṭhenawmte nena boruak muanawm leh ṭha an neih zel theihna turin sorkar laipui a rawn tel ve a ngai a ni, tiin a sawi.

Arunachal Pradesh hian Myanmar nen ramri km 1,080-a thui leh Bhutan nen ramrikm 160 a nei a ni.

Kum 2022-23 union budget-a sorkar scheme, Vibrant Village Programme (VVP) tarlan chu border area-a thingtlang khaw hrang hrangte tihhmasawnna atan a ṭangkai tur thu Minister chuan a sawi bawk. State sorkar chuan ramri hrula thingtlang khuaa infrastructure thuam chakna turin Model Village Programme (MVP) a siam thu a sawi bawk.