Sikkim CM hluiin 2024 inthlan a chuh tawpna tur a nih thu a sawi

Sikkim chief minister hlui leh Sikkim Democratic Front (SDF) president Pawan Chamling chuan kum 2024-a an state assembly inthlan chu inthlanna a chuh tawpna tur a nih thu a sawi.

Pawan Chamling chuan, "Kum 2024 assembly inthlan hi Sikkim chhanhimna tura ka beihna tawpna tur a ni ang," a ti. Sikkim mipuite hnenah thuneihna pek let a nih theihna turin theihtawp a chhuah dawn tih a sawi a ni.

CM hlui chuan Sikkim-a SKM sorkar chu MCX scam chungchangah na taka sawiselin, Sikkim mipuite thil neih hralh sakah a puh. "Tun hma chuan pawn lam miten Sikkim mipuite thil an ruksak ngam lo. Mahse tuna sorkar lai chu pawn lam mite tan agent-ah ṭangin, Sikkim mipuite chanvo leh thil neihte chu a hralhsak a ni," a ti. State chhunga tharum thawhna tihhluarah SKM sorkar chu a puh bawk.