NIA court-in Manipur helpawl hotu thiam loh chantir

New Delhi-a National Investigation Agency (NIA) special court chuan Manipur-a helpawl, Kangleipak Communist Party (KCP) commander-in-chief, Laishram Ranjit Meitei, Manao tia sawi bawk chu thiam loh chantirin, kum sarih tang turin a hrem.

NIA court chuan Laishram-a thurualpui pahnihna, Khumathem Naoicha Singh alias Jack Laged leh Thoudam Chaothoi Singh alias Chingsang-te pawh kum nga leh kum sarih tang turin a hrem bawk.

Thiam loh chantir an nihna hi KCP chetdan kaihhnawih niin, NIA chuan thiam loh chantir pathumte hi KCP hminga mimal, sorkar official, pawl, school leh panchayat-te hnen aṭang sum khawnnaa inhnamhnawih ṭhin an nih thu a sawi.