GST revenue growth-ah AP a sang ber

Arunachal Pradesh sorkar chu kum khat chhung state zinga GST revenue growth sang ber a ni a, kum khata a ṭhanna hi 90% a tling.

Finance ministry-in data a tihchhuaah, Arunachal Pradesh hian nikumApril thlaa GST revenue aṭanga a sum hmuh hi Rs vbc 103 a nih laiin, kumin April thlaah chuan Rs vbc 196 a tling a ni. Kum 2021 March thla khan AP hian GST aṭangin Rs vbc 92 a hmu a, kumin March thlaah chuan Rs vbc 105 lalut bawk.

Arunachal Pradesh hi GST revenue punnaah Ladakh-in a dawt a, an punna hi 53% a tling a ni. 44% a pung, Andaman and Nicobar Islands chu pathumna a ni bawk.

Union law minister Kiren Rijiju chuan GST revenue lama Arunachal Pradesh chet ṭhat chungchang hi tarlangin, chief minister Pema Khandu leh deputy chief minister Chowna Mein-te lawmpuina a hlan nghal bawk.

Rijiju chuan April 2022-ah India-in GST aṭanga a hmuh chu Rs vbc nuai 1.68 a nih thu sawiin, Arunchal Pradesh chuan hemi thla vek hian GST growth rate sang ber siamin 90% zetin a pung tih a sawi.