Nagaland : Kristianna thlen champha pualin thingṭiak 7,000 phun dawn

Nagaland-a Viswena khua chuan an khuaa Kristianna a thlen champha kum 100 lawmnatur pualin an khaw chhungah thei kung ṭiak 7,000 chuang phun an tum

Viswena Baptist Chuch buatsaihin, “Lo-The-Wu” (To plant-To grow-To bear fruits”) chu Thawhlehni khan neih a ni a, tualchhung mite kalkhawmin thing ṭiak hi an phun ṭan a ni.

Centenary Planning Committee convenor, Dr Hovithal chuan, "Viswema khuaah hian kum 94 liam taah Kristianna hi a lo lut a, kum 2028-ah a kum 100-na kan lawm dawn a ni. Hemi pual hian a rah nei, thei kung hi a tam thei ang phun kan tum a, nikum aṭang khan thing ṭiak phun tur hian kan buaipui ṭan a ni," a ti.

Thing ṭiak phun runpui neihnaah hian Kristian kohhran hrang hrang bakah Kristian ni lote pawh an tel.