KAS-in eight schedule-a Khasi ṭawng dah phut

Meghalaya-a Khasi Authors' Society (KAS) chuan Constitution eight schedule-ah Khasi ṭawng dah an phut thu leh, an thil phut nawrna atan document pawh an buatsaih tur thu an sawi.

KAS president DRL Nonglaid chuan, "Khasi ṭawng, culture, art leh folklore chungchangah document siam kan tum a ni. Hei hi eight schedule-a Khasi ṭawng telh tura kan nawrna atan pawh a pawimawh dawn a ni," a ti. An pawl aiawhte chuan hemi chungchang hi chief minister Conrad Sangma sawipui an tum tih a sawi bawk.

Eight schedule-a Khasi ṭawng dah tura an phutna chungchanga sorkar laipui nawr turin KAS aiawhte chu New Delhi-ah kal an tum bawk a ni.

Hetih lai hian Meghalaya chief minister Conrad Sangma chuan Nilaini khan Meghalaya-a ṭawng hman lar pahnih, Khasi leh Garo ṭawngte chu Constitution eight schedule-a telh tir tumin hma lak mek a nih thu a lo sawi tawh bawk.

Eight schedule-ah hian India rama official language-te dah a ni a, India ramah ṭawng chi hrang za tel awm mah se, eight schedule-ah hian official language-ah ṭawng chi 22 chauh pawm a la ni.