IIT Guwahati-in Assam sorkar officer-te drone technology zirtir dawn

Indian Institute of Technology-Guwahati ((IIT-G) leh Assam Survey and Settlement Training Centre (ASSTC) chuan Nilaini khan ASSTC officer-te training pekna tura thawhdunna tur inremna, memorandum of understanding (MoU) an ziak.

Inremna an ziah hmang hian IIT-Guwahati chuan sorkar officer-te chu drone technology an zirtir dawn a, drone operation, maintenance, data collection-te zirtirin, modern land manangement chungchangah theory class-te an neihpui bawk ang.

IIT-Guwahati chuan thuchhuah siamin, India rama officer level tinte drone technology chungchanga training neihpui an nihna hmasa ber tur a ni tih a sawi. Kumina Kamrup district-a Republic Day lawmnaah IIT-G hian drone show a lo nei tawh a ni.

Assam revenue and disaster management minister Jogen Mohan chuan technology leh education tharah khawvel a awm tawh a, hei vang hian MoU an ziah pawh chuan hmasawnna tura hmalakna pawimawh tak a ni, a ti. Mipuite pawh an bial tana hmasawnna thlen tura thawk turin a cho phur ngei ang, tiin a sawi.