IBM-in AP school-ah STEM for Girls programme kalpui dawn

Khawvel huapa technology company lian, IBM chuan Arunachal Pradesh-a education department nen thawkdunin, district 15-a secondary leh higher secondary school 130 chuangah 'STEM for Girls' programme a kalpui dawn tih a puang.

He programme kaltlang hian Class 8-10 inkar zirlai 13,500 chuangte chu digital lama thiamna pekna turin coding skill training, life and career skill lamah training te pek an ni ang. IBM hian kum 2030-ah khawvel hmun hrang hrangah skill training hi mi maktaduai 30 te pek hman tumin ruahmanna a siam a, he a ruahmanna hnuaiah Arunachal Pradesh-a STEM for Girls programme pawh hi kalpui a tum a ni.

IBM leh AP sorkarin kum thum chhung atan he programme hi kalpui an tum a, Quest Alliance leh Alombro Mayu Yaku Chi Amey Aroga (AMYAA) chu programme kalpui tur hian an thawhpui ang. AMYAA hian district education official-te chu programme kalpui dan turte zirtirin, facililator-te an ruai dawn a ni.