Manipur CM-in poppy chingtute tan Eizawnna dang ngaihtuah sak turin ngen

Chief minister N Biren Singh chuan sorkar laipui hnenah, an state-a poppy chingtute eizawnna dang ngaihtuahsak turin a ngen.

Chief Minister chuan poppy chinna tur hian thingkungte kitin, ramngaw te tihchhiat a ni fo tih a sawi. An state-a ram ngaw tihchereu a ni nasa a, thingkung hmuh tur pawh a tam tawh lo a ni tiin, Nilaini tlaia Guwahati-a Northeast Festival 2022-a thu a sawiah central sorkar official-te a hrilh. Hei vang hian poppy chingtute hian an eizawnna hi thlak a, eizawnna dang an neih theihna tura ngaihtuah turin a ngen nghal a ni.

Manipur-a ruihhlo do beihpui thlak hna chu kalpui chhunzawm zel a ni dawn tih CM Singh chuan a sawi bawk.