Naga-te'n AR hotute ngaihdam dil turin phut

Naga pawl hrang hrang chuan January 9-a Assam Rifle sipaite chu All Naga Students’ Association Manipur (ANSAM) hruai­tu ṭhenkhat chunga mawi lo taka an chet avanga AR hotute chu ngaihdam dil turin an phut.

He thil thleng hi United Naga Council (UNC), Naga People’s Movement for Human Rights (NPMHR) leh Naga Wo­men Union (NWU)-te chuan an dem thu an sawi a, Assam Rifle hotute chu ngaihdam dil turin an phut a ni. AR-te hian January 9 khan UNC volunteer-te bakah, ANSAM Pre­sident Seth Shatsang, Finance Secretary of the association Joseph Adani leh Naga student body’s Education Secretary AC Thotso-te chu kut an thlak nia sawi a ni.

UNC volunteer-te hian kawngpui an dang a, hei hi AR lam chuan paltlang luih an tum a, an innawrbuai zui ta a ni. He thil thlen hnu hian convoy Commander Major Nishan chuan UNC hruaitute chu kut a thlak zui a, midangte pawhin a rawnpui zui a ni. He thil thleng hi Naga pawl hrang hrangte chuan an dem tak zet tih sawiin, thleng tawh lo se an duh thu an sawi a, AR hotute chu ngaihdam dil turin an phut bawk.