Agartala - Udaipur rel kawng siam nan vbch 1,000 ruahman

Northeast Frontier Railway (NFR) chuan, Tripura khawpui Agartala leh Rajasthan-a Udaipur inkar rel kawng siam hna chu thawh mek a nih thu sawiin, hemi atan hian cheng vaibelchhe 1,000 a ruahman niin Ningani khan official chuan a tarlang.

NFR chuan Agartala-Udaipur inkarah hian passenger train service a service tir dawn tih, Chief Public Relations Officer Pranav Jyoti Sharma chuan a sawi. Hemi atan hian NFR chuan cheng vaibelchhe 1,000 a ruahman tawh a, rel kawng km 44.76 siam a ni ang. NFR Chief Engineer Harpal Singh chuan rel kawng phah hna chu zawhfel thawkhat a ni tawh tih sawiin, March 2017 hmain rel tlan tir hman tum a ni, a ti. Rel kawng hi south Tripura district headquarters Belonia thlenga siam tum a ni a ti a, kumin chhungin hna zawhfel hmnan beisei a ni, a ti.

Tripura Chief Minister Manik Sarkar chuan, “Indian Railways chuan rel kawng siam belh tur hian phalna a tichhuak tawh a, hei hian ṭhenawm ram Bangladesh nena inkalpawhna awlsam zawk a siam theih beisei a ni" a ti. Agartala hi kum 2008 khan India rail map-ah telh a lo ni tawh a, Agartala- New Delhi leh Kolkata inkar kawng pawh kum 2016 aṭang khan thawh ṭan a ni. NFR chuan km 15-a thui Agartala - Bangladesh inkalpawhna tur pawh a thawk mek a, peihfel thuai beisei a ni. Hemi atan hian Railway Minister Suresh Prabhu leh Bangladesh Rail Minister Majibul Haque-te chuan kum 2016 July 31 khan, Agar­tala (India) leh Akhaura (Bang­ladesh) railway project lung­phum an lo phum tawh a ni.

Northeast Frontier Railway chuan Agartala-Udaipur inkara passenger train service chu January 20 aṭnga tlan ṭan tir a nih tur thu a puang tawh bawk.