Manipur-ah darkar 24 chhungin IED vawi 2 a puak

Manipur khawpui, Imphal-ah darkar 24 chhungin improvised explosive device (IED) vawi hnih a puak.

Ningani zin khan Imphal West district-a Nagamapal Lamaban Leikai-ah IED hi tihpuah a ni a, nimin zing dar 3.50 vel khan a pahnihna hi Khurai Thodingjam Leikai-a RK Vidrendra chenna in bulah tihpuah a ni leh bawk.

Virendra hi agriculture department-a executive engineer a ni. Nimin zinga bomb puak hian a bula car pathum darthlalangte a tichhia a, thil dang tihchhiat lian tham erawh a nei lo.

Police-te chuan bomb tihpuahna hmunte hi tlawhin thil thlen dan an chhui chiang nghal a ni.