May 10-ah ṭhalai 23,000 sorkar hnaah lak an ni dawn : Assam CM

Assam chief minister Himanta Biswa Sarma chuan May 14 hian state sorkar hnuaia department hrang hrangah ṭhalai 23,000 te hna thawkah lak an ni dawn tih a puang.

CM Sarma chuan BJP-in inthlan dawna a lo tiam tawh angin, mi nuai khat hnena sorkar hna pekna tur chu tihhlawhtling turin hma an la chho zel dawn tih a sawi.

Kumin March thlaa state budget 2022-23 a pharh ṭum khan, state finance minister Ajanta Neog chuan sorkarin ṭhalai 1,157 a chhawr thar tawh thu leh, post 84,244 atana thawktu lakna tur buaipui mek a nih thu leh, a bak post 14,599 pawh hnawhkhat chhoh thuai tum a nih thute a sawi lang.

Kum 2021 state assembly inthlan neih dawn khan BJP, Asom Gana Parishad (AGP) leh United People's Party Liberal (UPPL) ṭangrual pawl chuan kum khat chhunga mi nuai khatte sorkar hnaah lak chu an auhla pui ber zingah an nei a ni.