Assam-Nagaland ramri buai chungchang sawiho leh dawn

Assam leh Nagaland ramri buaina avanga Assam-a pawl hrang hrangten Nagaland kawngpui an dan chahsak chu nimin kha a ni 10-na a ni a, vawiin hian an buaina chinfel dan ngaihtuahin Jorhat, Assam-ah deputy commissioner/ superintendent of police level meeting neih a ni leh dawn. 

Assam lam hian an ram chin luahah Nagaland hi puhin, Nagaland-a Mokokchung, Zunheboto leh Tuensang district-ten National Highway 702 (D) kaltlanga mamawh an chawk luhna chu an dan sak a ni. 

Mokokchung deputy commissioner, Limawabang Jamir chuan ramri chungchanga buaina chingfel tura inbiakna neih a nih leh tur thu hi sawiin, buaina pawh an chinfel theih ngei a beisei thu a sawi. Assam-a pawl hrang hrangten National Highway an dan chu dan kalh a ni tih a sawi bawk.