Assam-Meghalaya inkar lei dawh hna ṭan thuai dawn

Development of North Eastern Region (DoNER) ministry chuan Assam leh Meghalaya inkar, Brahmaputra chunga lei dawh hna chu ṭan thuai a ni dawn tih a sawi a, hei hi India rama lei dawh thui ber tur a nih thu a sawi. 

DoNER ministry chuan lei dawh tur hi km 18-a thui a ni dawn tih sawiin, Larson& Toubro Construction chuan  cheng vaibelchhe 3,200-a chhangin a dawh hna hi an thawk dawn a ni. 

Lei hi Assam-a Dubri leh Megha­laya-a Phulbari inkar, Brahma­putra lui chungah four lane-in siam a ni dawn. He lei hmang hian Assam leh Meghalaya inkar chu km 203 velin a hnaih phah dawn a ni, tiin ministry chuan a sawi. 

Assam-a Tinsukia district-a Lohit lui chunga Dhola Saidya lei dawh chu India rama lui chunga lei dawh thui ber a ni mek a ni. Assam leh Arunachal Pradesh inkara lei dawh hi km 9.15-a thui niin, kum 2017 May 26 khan prime minister Narendra Modi chuan a lo hawng tawh a ni.