Assam sorkarin Organic Industry dinna turin loan a pe chhuak ṭhin: Sonowal

Assam sorkar chuan organic industry dinna turin loan a pe chhuak ṭhin tih Chief Minister Sarbananda Sonowal chuan a sawi.

Assam CM Sonowal chian Santhigiri Ayurveda and Siddha Hospital hnuaia din, Ayurveda Panchakarma Training Institute ahawng a, he thu hi a sawi a ni. State chhunga organic industry dinna turin sorkar chuan loan a pe chhuak ṭhin a, Ayurvedic damdawi tam zawk siam chhuak turin hma lak mek a ni a, hemi atan hian ṭhalai 90,000 zet training pek an ni tawh, a ti. Training Institute hawn a ni leh ta chu lawmawm a tih thu sawiin, ṭangkai taka hman a nih tur thu a sawi bawk.

CM Sonowal chuan ṭhalaite hmasawnna tur ngaihtuahin sorkar chuan theihtawpa hma a lak thu sawiin, a bikin hnam hnuaihnung zawkte tan nasa taka beihpui thlak a nih tur thu a sawi. State sorkar hmalaknain Skill Development Department hawn a nih tawh thu te, industry dinbelh zel turin ruahmanna siam a nih thu te a sawi.

Hetih lai hian State Industries and Commerce Minister Chandra Mo-han Patowary pawhin, Assam chu Act East Policy chhawr ṭangkai thei ber turte zing a mi a nih thu a sawi. Assam chu South-East Asian, Bangladesh leh ASEAN-te tana sumdawnna kawng pawimawh a nih thu sawiin, hmabak eng tak a nei a ni, a ti. State sorkar chuan Act East Policy atan hian deparment hran a din dawn tih sawiin, ram leilung hausakna hmanga insumdawn tawnna kalpui turin ruahmanna siam a ni, a ti bawk.