AP-a hna lak chung changah mi 19 lakah chargesheet thehlut

Arunachal Pradesh Staff Selection Board (APSSB) in hna a lak dana dik lo taka thiltih a awm nia puh chungchang chhuitu, Arunachal Pradesh police hnuaia Special Investigation Cell (SIC) chuan nimin khan mi 19 lakah chargesheet a thehlut. 

SIC SP M Harsha Vardhan chuan chargsheet an thehluh zingah hian thil dik lo tihnaa a mawhphurtu bera puh, APSSB under secretary hlui Kapter Ringu pawh a tel tih a sawi. 

APSSB-in kumin February thlaa upper division clerk (UDC) leh lower division clerk (LDC) hna a lak chungchangah thil dik tawk lo awm nia sawi hi SIC chuan thla kua chhung a chhui a, hemi hnu hian Yupia-a Distrixt and Sessions Court-a Special Judge of Prevention of Corruption Act hnenah chargesheet, phek 800 chuanga chhah  hi a thehlut ta a ni.