TPCC-in Tripura CM bang turin an phut

Tripura Pradesh Congress Committee (TPCC) chuan tun hnaia an state-a politics thila inbeihna thleng fo chungchangah, home minister changtu ni bawk, state chief minister Biplab Kumar Deb chu bang turin an phut.

Chief Minister rorelna hnuaiah state chhung dan leh thupek dihmun a chhe hle tih sawiin, Congress hruaitu leh minister hlui, Sudip Roy Barman chuan, "Tun hnaiah dan leh thupek dinhmun chhiatzia hriatna thil thleng hrang hrang kan hmu a ni. BJP sorkarna hnuaia Tripura chu dan rorelna awm lohna ang mai niin, tualthah, pawngsual leh mipuite buainate chu nitina thleng ang mai a ni tawh a ni," a ti.

Thla li liam ta chhungin Tripura-ah tualthahna ṭum 23 thlengin, pawngsual thubuai pawh kum 2020-ah 127 ziahluh niin, kum 2021-ah 137 ziahluh a ni, a ti. Mipuite venghim zo loah sorkar chu puhin, Biplab Kumar Deb hnuaiah chuan tumah an him tawh lo a ni, tiin Barman chuan a sawi.