AP Governor-in cabinet minister tharte hna chanpual a puang
Arunachal Pradesh Governor V Shanmuganathan chuan tunhnaia cabinet minister atana lakluh tharte hna chuanpual chu Thawhṭanni khan a puang.
Chief Minister Pema Khandu-a thurawn angin ministerte hnachanpual hi siam a ni. Bamang Felix chu PHED minister a ni a, Alo Libang chuan Panchayati Raj and Rural Development a enkawl ang. Dr Mahesh Chai chu Veterinary, Animal Husbandry and Dairy Development bakah Art & Culture enkawl tura tih a ni bawk. Heng bakah hian minister ṭhenkhatte hna chanpual chu siksawi a ni bawk. Minister Tamiyo Taga chu a deparment enkawl lai Industries, Textiles leh Handicrafts bakah Power (Electrical) deparment enkawl tura tih a ni.
Arunachal Pradesh-ah hian BJP chuan sorkar thar a din a, tunhnai khan MLA pathum - Bamang Felix, Alo Libang leh Dr Mahesh Chai-te chu cabinet minister tura lakluh an ni. Kum 2016 December thla khan CM Pema Kandu leh MLA 33-te chuan People's Party of Arunachal (PPA) chhuahsanin BJP an zawm a, PPA sorkar paihthlak zui niin, Assam ang bawkin Arunachal Pradesh-ah hian BJP sorkar a ding ve leh ta a ni.