AP-in zalenna sualtute pualin museum siam dawn

Arunachal Pradesh sorkar chuan an state aṭanga India zalenna sual tura beitute hriatrengna pualin museum siam a tum.

Pathianni khan hemi chungchangah hian official thuchhuah siamin, state aṭanga zalenna sual tura beitu, ram mipuite hriat hlawh lutuk lote an awm a, heng mite inpekna hriatrengna tur hian siam a ni dawn tih a tarlang. He thutlukna hi deputy chief minister Chowna Mein hoa Namsai-a core committee neihnaah siam a ni.

State sorkar chuan an state chhunga indona hmun hrang hrangte pawh vawnhim zel an tum tih a sawi bawk.

Hei bakah hian Sardar Vallabhbhai Patel National Museum-ah Arunachalee freedom fighter-te telh an nihna turin Gujarat-ah rawtna pawh thlen a ni tih sorkar chuan a sawi.