Assam-ah SC thupek hman a ni dawn

Supreme Court-in ram chhunga national leh state highway aṭanga metre 500 huamchhunga zu zawrh khapna a tihchhuah, February 3 aṭanga hman ṭan tura tih chu Assam-ah pawh hman a ni dawn tih Apex Court chuan a tarlang.

Highway kama zu zawrh khapna tihchhuah a nih chuangchangah hian All Assam IMFL Retailers Association-te chu court-ah an zualko a, an sumdawnna kawngah nghawng lian tak a nei dawn niin an sawi. Mahse court chuan petition thehluh hi a hnawl sak a, Assam-ah pawh Suprem Court thupek angin kaltlangpui a ni ang. Chief Justice Jagdish Singh Khehar leh Justice D.Y. Chandrachud-te chuan hemi chungchangah hian tunhnai khan thupek an tichhuak a ni. Nikum December 15 khan Supreme Court chuan Highway kamna zu zawrh khapna hi a tichhuak a, February 3 aṭanga hman ṭan tura tih a ni.

Hetih lai hian petition thehluhtute chuan, Assam Highways Act, 1989, Section 2 chuan Highway bulhnaia mimal ram neitute chuan an ram chu an duh angin sum­dawnna atan an hmang thei niin a tarlang a ni, an ti.