Sikkim sorkarin Organic Day lawm

Sikkim sorkar chuan Nilaini khan Saramsa Garden-ah Organic Day lawmna a buatsaih.

Sikkim hi kum 2016 khan India rama organic state hmansa berah Prime Minister Narendra Modi chuan a lo puang tawh a ni. Tun hi organic state-a puan an nih hnu a, Sikkim sorkar-in Organic Day a lawm vawi khatna a ni. 

State Chief Minister Pawan Chamling chuan he hunah hian thu sawiin, organic farming chu Sikkim mipuiten chhuan thar lo awm leh zel turte tana an chawinun chhoh zel a beisei thu a sawi. Agriculture leh Horticulture Department-te hmalakna chu fakawm a tih thu a sawi a, mipuite hnenah organic farming chungchanga hriattur pawimawhte hrilhhriat kawngah hma la zui zel turin a ngen. He hunah hian kut hnathawktu hlawhtling zualte hnenah 'Progressive Farmers’ Special Award' sem a ni bawk.