Assam Rifle-te'n NSCN-IM mi leh sa 13 man

Assam Rifle-te chuan Nagaland-a Mon district-ah Naga hel pawl National Socialist Council of Nagaland - Isak Muivah (NSCN-IM) mi leh sa 13 an man.

AR official chuan, helte hi Ningani khan Mon-Tizit highway-ah an man tih a sawi a, an kut aṭang hian ralthuam ṭhahnem tak an man tel tih a sawi. Mon-Tizit highway-a lirthei tlan pahih te chu Assam Rifle-te hian lo tidingin, motor-a chuang hel 13 te chu an lo man ta tih a sawi. An vai hian NSCN-IM mi leh sa an ni tih finfiah a nih tawh thu a sawi bawk. Ralthuam an man te chu AK-56 rifle (4), HK-32 rifle (2), MA-MK4 rifle (1), pistol (4) leh silai mu ṭhahnem tak a ni.