Assam-a ‘Skill City’ project kalpui turin inremna ziak

Assam sorkar leh ITE edu­cation services, Singapore-te chuan skill city project kal­pui turin inremna an ziak tih, state skill, employment and entre­preneurship minister Chandra Mohan Patowary a sawi.

Patowary chuan, Skill City project hnuaiah hian centre of excellence din a ni dawn a, Assam leh hmarchhak zirlaiten an chhawr thei dawn a ni, a ti. Zirlaite chu skill training pek an ni dawn a, an eizawnna tur kawng hrang hrang dap sak an ni ang. ITE Education Services, Singapore chuan a vawikhat nan February 13-ah Assam an tlawh ang a, centre of excellence-a training petu turte a tir zui bawk ang. Skill centre-a zirtirna pe tur hian Japan chuan faculty member a tir dawn bawk a, graphic designing, filmmaking, ani­mation leh video games lam an zirtir dawn a ni.

State sorkar chuan South Korea leh Taiwan aṭanga zirtirtu chah lut turin hma a la bawk dawn niin Patowary chuan a sawi. Hemi lam hawia hmalakna hmasa atan Assam sorkar chuan, March 2017 khian 'Skill Summit’ a buat­saih dawn a ni.